بلوچستان،پنک، گرین بسوں میں اضافے کا منصوبہ حتمی طور پر تیارہوگیا

بلوچستان کے سیکریٹری ٹرانسپورٹ بسوں کی خریداری کے لیے بیرون ملک چلے گئے

ہفتہ 19 جولائی 2025 13:43

کوئٹہ (اُردو پوائنٹ اخبارتازہ ترین - این این آئی۔ 19 جولائی2025ء)کوئٹہ کی خواتین کو بہتر سفری سہولت کی فراہمی کے لیے پنک بس اور شہریوں کے لیے گرین بسوں میں اضافے کے منصوبے کو عملی جامہ پہنانے کے لیے بلوچستان کے سیکریٹری ٹرانسپورٹ بسوں کی خریداری کے لیے بیرون ملک چلے گئے۔

(جاری ہے)

بلوچستان حکومت نے گزشتہ مالی سال کے بجٹ میں کوئٹہ کے شہریوں کے لیے گرین بس منصوبے میں چار مزید بسوں کے اضافے اور خواتین مسافروں کے لیے چار پنک بسوں کی خریداری کا اعلان کیا تھا مگر ایک سال کا عرصہ گزر جانے کے باوجود یہ منصوبہ مکمل نہ ہوسکا۔

اسی سلسلے میں محکمہ ٹرانسپورٹ کے حکام نے بتایاکہ بلوچستان کے سیکریٹری ٹرانسپورٹ بسوں کی خریداری کے لیے بیرون ملک گئے ہوئے ہیں۔حکام کے مطابق امید ہے کہ ایک ماہ تک پنک اور گرین بسیں کوئٹہ پہنچ جائیں گی۔محکمہ? ٹرانسپورٹ کے حکام کا کہنا ہے کہ کوئٹہ میں چلنے والی 8 گرین بسوں میں روزانہ آٹھ ہزار افراد سفر کرتے ہیں۔