مسجد نبوی میں یونیفائیڈ سینٹر کے ذریعے لاکھوں عازمین کو خدمات کی فراہمی

اتوار 20 جولائی 2025 10:50

مدینہ (اُردو پوائنٹ اخبارتازہ ترین - اے پی پی۔ 20 جولائی2025ء) سعودی عرب کے ادارہ امورحرمین نے کہا ہے کہ دو ماہ پر مشتمل حج سیزن کے دوران مسجد نبوی میں ایک لاکھ 27 ہزار 602 زائرین کو مختلف خدمات فراہم کی گئیں جبکہ 6 لاکھ 31 ہزار سے زیادہ زائرین نے ویل چیئرز اور گالف کارٹس کی خدمات سےاستفادہ کیا۔اردو نیوز کے مطابق مسجد نبوی میں آنے والے زائرین کو مختلف نوعیت کی یہ خدمات یکم ذی القعدہ سے 29 ذی الحجہ تک فراہم گئیں۔

(جاری ہے)

ضیوف الرحمان کو خدمات فراہم کرنے والا یونیفائیڈ سینٹر 24 گھنٹے کے بنیاد پر کام کرتا رہا اس دوران زائرین کو معلومات بھی فراہم کی گئیں۔ معمر اور ضرورت مند زائرین کے لئے ویل چیئرز فراہم کرنے کے علاوہ رہائش کے مقام کو بھول جانے والوں کو ان کی منزل پر پہنچانا شامل تھا۔مرکز کی جانب سے مسجد نبوی کے اندر اور بیرونی صحنوں میں متعدد زبانوں کے ماہرین کی خدمات بھی مہیا کی گیں تاکہ وہ انہیں اہم معلومات فراہم کرسکیں۔اس مقصد کے لئے مسجد نبوی کے دو اہم مقامات پر سروسز سینٹرز قائم کئے گئے جن میں ایک مرکز شمالی سمت گیٹ نمبر 329 جبکہ دوسرا جنوبی سمت ایگزٹ نمبر 301 کے سامنے قائم کیا گیا تھا۔