ابوظہبی میں پاکستانی سفیر کا اتحاد ماڈرن آرٹ گیلری کا دورہ

پاکستانی اور بین الاقوامی فنکاروں کے فن پاروں کی نمائش

اعجاز احمد گوندل اتوار 20 جولائی 2025 22:11

ابوظہبی میں پاکستانی سفیر کا اتحاد ماڈرن آرٹ گیلری کا دورہ

ابو ظہبی (اُردو پوائنٹ اخبارتازہ ترین۔ 20 جولائی2025ء)متحدہ عرب امارات میں پاکستان کے سفیر، فیصل نیاز ترمذی نے ابوظہبی میں واقع اتحاد ماڈرن آرٹ گیلری کا دورہ کیا، جہاں معروف پاکستانی فنکاروں، سوریا سکندر اور ثناء حیات کے فن پارے بین الاقوامی فنکاروں کے ساتھ نمائش کے لیے رکھے گئے ہیں۔

(جاری ہے)

سفیر فیصل ترمذی نے پاکستانی فنکاروں کے تخلیقی کام کو سراہا اور کہا کہ اس طرح کی نمائشیں پاکستان کے بھرپور ثقافتی اور فنکارانہ ورثے کی عکاسی کرتی ہیں۔

انہوں نے اس بات پر زور دیا کہ فنون لطیفہ اقوام کے درمیان باہمی ہم آہنگی کو فروغ دینے اور دنیا میں پاکستان کا مثبت تاثر اجاگر کرنے میں اہم کردار ادا کرتے ہیں۔ اس دورے نے پاکستانی فنکاروں کی حوصلہ افزائی اور پاکستان اور متحدہ عرب امارات کے درمیان ثقافتی روابط کو مزید مضبوط بنانے کے لیے پاکستانی سفارتخانے کے عزم کی توثیق کی۔