مشہور آل راؤنڈرآندرے رسل نے بھارت کے خلاف اننگز کو یادگار لمحہ قرار دیدیا

سب سے یاد گار لمحہ 2016 ٹی ٹوئنٹی ورلڈ کا بھارت کیخلاف سیمی فائنل ہے، جہاں ، لینڈل سمنز اور دیگر بلے بازوں نے ٹیم کو فتح دلائی

اتوار 20 جولائی 2025 11:15

جمیکا (اُردو پوائنٹ اخبارتازہ ترین - این این آئی۔ 20 جولائی2025ء)حال ہی میں انٹرنیشنل کرکٹ سے ریٹائرمنٹ کا اعلان کرنے والے ویسٹ اندین آل راؤنڈر آندرے رسل نے 2016 کے ٹی ٹوئنٹی ورلڈ کپ میں بھارت کے خلاف کھیلی اننگز کو اپنے کیریئر کا یاد گار لمحہ قرار دے دیا۔کرکٹ ویسٹ انڈیز کو دیئے ایک انٹرویو میں آل راؤنڈر کا کہنا تھا کہ ان کا سب سے یاد گار لمحہ 2016 ٹی ٹوئنٹی ورلڈ کا بھارت کے خلاف سیمی فائنل ہے، جہاں انہوں نے، لینڈل سمنز اور دیگر بلے بازوں نے ٹیم کو فتح دلائی تھی۔

(جاری ہے)

141 میچز میں ویسٹ انڈیز کی نمائندگی کرنے والے آندرے رسل ممبئی میں کھیلے گئے ایونٹ کے سیمی فائنل میں 193 رنز کے تعاقب میں پانچویں نمبر پر بیٹنگ کرنے اترے، جب ویسٹ انڈیز کو 41 گیندوں میں 77 رنز درکار تھے۔آندرے رسل نے 20 گیندوں میں ناقابلِ شکست 43 رنز اسکور کیے جس میں ویرات کوہلی کو مڈ وکٹ پر باؤنڈری مار کر دو گیندوں قبل فتح سمیٹی تھی۔واضح رہے آندرے رسل نے چند روز قبل آسٹریلیا کے خلاف ٹی ٹوئنٹی سیریز کے ابتدائی دو میچز کے بعد ریٹائرمنٹ لینے کا اعلان کیا تھا۔