ہری پور پولیس کی کارروائی، منشیات فروش ہیروئن و آئس سمیت گرفتار

اتوار 20 جولائی 2025 12:40

ایبٹ آباد (اُردو پوائنٹ اخبارتازہ ترین - اے پی پی۔ 20 جولائی2025ء) ہری پور پولیس نے ایک کارروائی کے دوران منشیات فروش کو رنگے ہاتھوں گرفتار کر کے 340 گرام ہیروئن اور آئس برآمد کر لی۔

(جاری ہے)

ہری پور پولیس کے مطابق ڈی پی او فرحان خان کے احکامات کی روشنی میں منشیات سے پاک ہری پور مہم کامیابی سے جاری ہے۔ ایس ایچ او تھانہ سرائے صالح اعجاز علی نے پولیس نفری کے ہمراہ کارروائی کرتے ہوئے ریاست ولد فضل خان سکنہ بگڑہ نمبر 2 کو گرفتار کر کے قبضہ سے 230 گرام ہیروئن اور 110 گرام آئس برآمد کر لی۔ ملزم کے خلاف مقدمہ درج کر لیا گیا ہے۔