Live Updates

پاکستا پیپلز پارٹی کا آٹا اور سبزیاں مہنگی بیچنے والوں کیخلاف سخت کارروائی کا مطالبہ

پیر 8 ستمبر 2025 16:55

اسلام آباد (اُردو پوائنٹ اخبارتازہ ترین - این این آئی۔ 08 ستمبر2025ء)پاکستان پیپلز پارٹی کی رہنما سینیٹرشیری رحمن نے آٹا اور سبزیاں مہنگی بیچنے والوں کے خلاف سخت کارروائی کا مطالبہ کر دیا۔ایک بیان میں انہوں نے کہا کہ ذخیرہ اندوز عوام کی مشکلات سے فائدہ اٹھا رہے ہیں، ان کے خلاف سخت ایکشن لیا جائے، ہزاروں لوگ سیلاب میں سب کچھ کھو چکے ہیں۔

(جاری ہے)

شیری رحمن نے کہا کہ اب منافع خوروں کی طرف سے آٹا اور سبزیاں بھی مہنگا کر دینا ظلم ہے، آٹے کی قیمتوں میں اضافہ مصنوعی ہے، مافیا کو بے نقاب کیا جائے۔انہوں نے کہا کہ منافع خوروں اور ذخیرہ اندوزوں کے خلاف فوری اور سخت کارروائی کی جائے، حکومت آٹے کی قیمتوں پر فوری کنٹرول کرے، سیلاب متاثرین کو سستا آٹا دیا جائے۔انہوںنے کہاکہ سیلاب متاثرین کیلئے فوری سبسڈی اور آٹے کی بلا رکاوٹ فراہمی یقینی بنائی جائے، آٹے کی قیمتوں میں بے تحاشا اضافہ متاثرہ علاقوں میں خوراک کا بحران پیدا کر سکتا ہے۔پیپلز پارٹی کی رہنما نے کہا کہ عوام آٹے کے لیے ترس رہے ہیں، حکومت مداخلت کرے اور آٹے کی فراہمی یقینی بنائے۔