جاری منصوبوں کو بروقت مکمل کرنے کےلئے فاسٹ ٹریک پر کام جاری ،زیر تعمیر کینسر ہسپتال کی نیو ایمرجنسی بروقت مکمل کرنے کے لئے تمام ضروری اقدامات کئے جائیں ،وزیر صحت سید مصطفیٰ کمال

پیر 8 ستمبر 2025 17:00

اسلام آباد (اُردو پوائنٹ اخبارتازہ ترین - اے پی پی۔ 08 ستمبر2025ء) وفاقی وزیرِ برائے صحت سید مصطفیٰ کمال نے کہا ہے کہ جاری منصوبوں کو بروقت مکمل کرنے کےلئے فاسٹ ٹریک پر کام کیا جا رہا ہے ،زیر تعمیر کینسر ہسپتال کی نیو ایمرجنسی کو بروقت مکمل کرنے کے لئے تمام تر ضروری اقدامات کئے جائیں ۔ان خیالات کا اظہار انہوں نے اعلیٰ سطحی اجلاس کی صدارت کے دوران کیا۔

انہوں نے کہا کہ صحت کے شعبے میں اصلاحات کا سلسلہ جاری ہے ، پاکستان میڈیکل ڈینٹل کونسل اور نرسنگ کونسل میں اصلاحات کی جاچکی ہیں، پی ایم ڈی سی میں میرٹ اور شفافیت کے فروغ کے لیے اسے مکمل ڈیجیٹائز کیا جارہا ہے ۔اجلاس میں وزارت صحت میں جاری منصوبوں پر پیشرفت اور جاری اقدامات کا جائزہ لیا گیا اور ایک روڈ میپ و مربوط حکمت عملی تشکیل دی گئی۔

(جاری ہے)

انہوں نے کہا کہ ڈریپ میں میڈیکل ڈیوائسز کو ڈیجیٹائز کیا ہے ،میڈیکل ڈیوائسز کے لائسنس دیئے گئے ہیں جبکہ ٹائم فریم 20 دن میں مل رہے ہیں ۔انہوں نے کہا کہ جعلی ادویات کے خاتمے بارے 2D بار کوڈ پر عملدرآمد کےلئے کام تیزی سے جاری ہے ، جعلی ادویات کے خاتمے کےلئے فارما انڈسٹری سے متعدد بار میٹنگز ہو چکی ہیں ۔ان کا کہنا تھا کہ جعلی ادویات کا خاتمہ ناگزیر ہے ،اس سے انڈسٹری کی ساکھ بھی متاثر ہوتی ہے ۔\932

Facebook Twitter Google + Share on Whatsapp

متعلقہ عنوان :

مزید قومی خبریں