انشاء اللہ صدر مسلم لیگ ن آزاد کشمیر شاہ غلام قادر آزاد کشمیر کے وزیراعظم ہوں گے،خورشید احمد قریشی

اتوار 20 جولائی 2025 14:45

مظفرآباد(اُردو پوائنٹ اخبارتازہ ترین - این این آئی۔ 20 جولائی2025ء)مسلم لیگ ن گوجرہ کے راہنما خورشید احمد قریشی نے کہا ہے کہ آزاد کشمیر میں آنے والا دور مسلم لیگ ن کا ہے، اور انشاء اللہ صدر مسلم لیگ ن آزاد کشمیر شاہ غلام قادر آزاد کشمیر کے وزیراعظم ہوں گے۔خورشید احمد قریشی نے کہا صدر مسلم لیگ ن آزاد کشمیر شاہ غلام قادر کا دورہِ برطانیہ تاریخی اہمیت کا حامل ہے،آزاد کشمیر کی کسی سیاسی جماعت کے سربراہ کو اس طرح کی برطانیہ میں پزیرائی اس سے پہلے کبھی بھی نہیں ملی۔

(جاری ہے)

شاہ غلام قادر بے داغ ماضی کے حامل واحد کشمیری سیاست دان ہیں، جنھوں نے ہمیشہ مثبت اور تعمیری سیاست کو فروغ دینے کی کوشش کی ہے۔برطانیہ میں شاہ غلام قادر کا تاریخی استقبال اور تاریخی جلسے اس بات کا واضح ثبوت ہیں کہ برطانیہ میں مقیم کشمیری صدر مسلم لیگ ن آزاد کشمیر شاہ غلام قادر اور مسلم لیگ ن سے بے پناہ محبت رکھتے ہیں۔کامیاب دورہ برطانیہ سے یہ بات بھی ثابت ہو گئی کہ مسلم لیگ ن آزاد کشمیر کی عوام کے ساتھ ساتھ بیرون ملک مقیم کشمیریوں کی بھی پسندیدہ ترین جماعت ہے۔