ں* وزیراعلیٰ کی موجودگی میں کورنگ امیدوار وقاص اورکزئی نے دستبرداری کا اعلان کردیا

جہاں بانی کی بات ہو تو وہاں میرے لیے کوئی نہیں ہے لیکن اس کا مطلب یہ نہیں ہے میں کسی کے دبائو میں یہ فیصلہ کر رہا ہوں، وقاص اورکزئی

اتوار 20 جولائی 2025 22:25

۰پشاور(اُردو پوائنٹ اخبارتازہ ترین - آن لائن۔ 20 جولائی2025ء) سینیٹ الیکشن سے قبل پی ٹی آئی کے کورنگ امیدوار وقاص اورکزئی نے دستبرداری کا اعلان کر دیا۔الیکشن سے ایک روز قبل وقاص اورکزئی نے وزیراعلیٰ گنڈاپور کی موجودگی میں امیدواریت سے دستبرداری کا اعلان کرتے ہوئے کہا کہ جہاں بانی کی بات ہو تو وہاں میرے لیے کوئی نہیں ہے لیکن اس کا مطلب یہ نہیں ہے کہ میں کسی کے دبائو میں یہ فیصلہ کر رہا ہوں۔

(جاری ہے)

وزیراعلیٰ نے کہا کہ فخر ہے پی ٹی ا?ئی ورکرز اور ہم سب نے ہمیشہ بانی کا نظریہ مقدم رکھا، وقاص اورکزئی نے ہمیشہ کی طرح ذاتی مفاد کو نہیں بلکہ بانی کے حکم اور پارٹی پارٹی کے مفاد کو بالاتر رکھا اور انہیں ہماری درخواست پر سینیٹرشپ سے کاغذات واپس لینے پر آمادگی کا اظہار کیا۔علی امین نے کہا کہ میں پوری پارٹی کو پیغام دیتا ہوں کہ ہمارے لیے بانی کا حکم اور پارٹی کا مفاد پہلے ہے باقی چیزیں بعد میں ہیں۔