لاہور سے کراچی آتے ہوئے حادثے سے بال بال محفوظ رہنے والی پرواز میں سوار تھا‘ قیصرنظامانی

پیر 21 جولائی 2025 17:16

لاہور(اُردو پوائنٹ اخبارتازہ ترین - این این آئی۔ 21 جولائی2025ء) سینئر اداکار قیصر نظامانی نے بتایا ہے کہ لاہور سے کراچی آتے ہوئے حادثے سے بال بال محفوظ رہنے والی پرواز میں وہ بھی سوار تھے۔سینئر اداکار نے انسٹاگرام اور فیس بک پوسٹ میں حادثے سے بچ جانے والے طیارے سے متعلق مداحوں کو آگاہ کیا۔

(جاری ہے)

اداکار نے بتایا کہ وہ لاہور سے کراچی آ رہے تھے کہ نجی ایئرلائن ایئربلیو کی پرواز 401 اڑان بھرنے سے کچھ دیر قبل حادثے کا شکار ہونے سے بچ گئی۔

قیصر نظامانی کے مطابق اڑان کے لیے تیار پرواز سے پردہ آکر ٹکرایا، جس سے طیارہ لڑ کھڑایا مگر کپتان کی حاضر دماغی سے حادثے سے بچ گیا۔اداکار نے لکھا کہ کپتان نے حاضر دماغی کا مظاہرہ کرتے ہوئے طیارہ کو حادثے سے بچا لیا اور 100سے زائد جانیں بچ گئیں۔قیصر نظامانی کے مطابق حکام نے بتایا کہ طیارہ سے پرندہ ٹکرایا تھا جس وجہ سے مسئلہ پیش آیا۔