لاہور سے تمام موٹرویز کوکھول دیا گیا، جڑواں شہروں کے راستے کھلنا شروع، ایکسپریس وے پر ٹریفک بحال، اسلام آباد کا ریڈ زون بدستور سیل

اتوار 12 اکتوبر 2025 14:15

اسلام آباد/راولپنڈی/لاہور(اُردو پوائنٹ اخبارتازہ ترین - این این آئی۔ 12 اکتوبر2025ء) مذہبی جماعت کے احتجاج کے پیش نظر بند کی گئی موٹر ویز کو کھول دیا گیا ،جڑواں شہروں میں بند کیے گئے راستے بھی کھلنا شروع ہو گئے،ایکسپریس وے پر ٹریفک بحال کردی گئی،مری روڈ سے متصل سڑکیں بھی کھولی جا رہی ہیں،البتہ اسلام آباد کا ریڈ زون بدستور سیل ہے۔

(جاری ہے)

ترجمان موٹروے پولیس کے مطابق لاہور اسلام آباد موٹروے ایم 2 کھول دی گئی ہے،لاہورسے تمام موٹرویز کوٹریفک کے لئے کھول دیاگیا ہے۔ شہریوں نے متعدد راستے کھلنے کی وجہ سے سکھ کا سانس لیا ہے ۔