ایران ،یورپی طاقتوں کے درمیان جوہری مذاکرات رواں ہفتے ہوں گے

ایران پرانے معاہدے پر واپس نہیں جائے گا،وزیرخارجہ عباس عراقچی

پیر 21 جولائی 2025 18:01

تہران(اُردو پوائنٹ اخبارتازہ ترین - این این آئی۔ 21 جولائی2025ء)ایران اور 3یورپی طاقتیں جمعے کو استنبول میں جوہری مذاکرات کریں گی۔غیرملکی خبر رساں اداروں کے مطابق مذاکرات ایران، برطانیہ، فرانس اور جرمنی کے نائب وزرائے خارجہ کے درمیان ہوں گے۔

(جاری ہے)

تین یورپی ممالک نے خبردار کیا تھا کہ جوہری مذاکرات کی بحالی میں ناکامی ایران پر عالمی پابندیوں کا باعث بنے گی۔ایرانی وزیر خارجہ عباس عراقچی نے کہا کہہ ایران پرانے معاہدے پر واپس نہیں جائے گا۔انہوں نے کہا کہ برطانیہ، جرمنی اور فرانس کے پاس 2015معاہدے کو نافذ کرنے کیلئے قانونی، سیاسی اور اخلاقی جواز نہیں ہے۔عباس عراقچی نے کہا کہ یورپی ملکوں نے ایران کے خلاف اسرائیل اور امریکا کی جارحیت کی حمایت کی تھی۔