وہ سیرپ جس کے باعث بچوں کی اموات ہوئیں، وہ کسی دوسرے ممالک کو برآمد کیا گیا تھا یا نہیں

بدھ 8 اکتوبر 2025 22:20

جنیوا (اُردو پوائنٹ اخبارتازہ ترین - آن لائن۔ 08 اکتوبر2025ء) بھارت میں کھانسی کے شربت سے بچوں کی اموات کے معاملے پر عالمی ادارہ صحت نے نئی دہلی سے وضاحت طلب کرلی ہے۔ادارے نے استفسار کیا ہے کہ آیا وہ سیرپ جس کے باعث بچوں کی اموات ہوئیں، وہ کسی دوسرے ممالک کو برآمد کیا گیا تھا یا نہیں۔

(جاری ہے)

عالمی ادارہ صحت کا کہنا ہے کہ بھارت کی جانب سے باضابطہ تصدیق کے بعد ’کولڈ رِف‘ (Coldrif) کًف سیرپ سے متعلق عالمی سطح پر میڈیکل الرٹ جاری کرنے پر غور کیا جائے گا۔

بھارتی میڈیا کے مطابق گزشتہ ایک ماہ کے دوران بھارت میں پانچ سال سے کم عمر 17 بچے زہریلا شربت پینے سے ہلاک ہوچکے ہیں۔لیبارٹری ٹیسٹ میں انکشاف ہوا تھا کہ دوا میں ڈائیتھیلین گلائیکول نامی خطرناک کیمیکل اجازت یافتہ حد سے 500 گنا زیادہ موجود تھا۔بھارتی ریاست تلنگانہ نے ڈائیتھیلین گلائیکول کی موجودگی پر دو کھانسی کے شربتوں کے استعمال پر فوری طور پر پابندی عائد کرنے کا نوٹس جاری کیا ہے۔