خشک میوہ جات کی برآمدات میں جون کے دوران 65 فیصد اضافہ ہوا

منگل 22 جولائی 2025 13:09

مکوآنہ(اُردو پوائنٹ اخبارتازہ ترین - این این آئی۔ 22 جولائی2025ء)خشک میوہ جات کی برآمدات میں جون 2025 کے دوران 65.04 فیصد اضافہ ہوا ہے ۔ ادارہ برائے شماریات پاکستان (پی بی ایس)کی رپورٹ کے مطابق اس دوران برآمدات کی مالیت 1.7 ارب روپے تک پہنچ گئی جبکہ جون 2024 میں خشک میوہ جات کی برآمدات کا حجم 1.03 ارب روپے رہا تھا ۔

(جاری ہے)

اس طرح جون 2024 کے مقابلہ میں جون 2025 کے دوران خشک میوہ جات کی قومی برآمدات میں 0.67 ارب روپے یعنی 65 فیصد سے زیادہ کا نمایاں اضافہ ریکارڈ کیاگیا ہے ۔