سندھ ہائیکورٹ ، کروڑوں روپے کی خورد برد،ملزم کی حفاظتی ضمانت منظور،7روز میں متعلقہ عدالت میں پیش ہونے کی بھی ہدایت

منگل 22 جولائی 2025 17:00

کراچی(اُردو پوائنٹ اخبارتازہ ترین - این این آئی۔ 22 جولائی2025ء)سندھ ہائیکورٹ نے قائدِ عوام انجینئرنگ یونیورسٹی میں کروڑوں روپے کی خورد برد کے مقدمے میں ملزم کی درخواست پرحفاظتی ضمانت منظورکرتے ہوئے ملزم کو 7 روز میں متعلقہ عدالت میں پیش ہونے کی ہدایت کردی ۔

(جاری ہے)

منگل کوسندھ ہائیکورٹ میں قائدِ عوام انجینئرنگ یونیورسٹی میں کروڑوں روپے کی خورد برد کے مقدمے میں ملزم مسرور علی شاہ کی درخواست کی سماعت ہوئی۔

عدالت نے ملزم مسرور علی شاہ کی حفاظتی ضمانت منظور کرلی۔ عدالت نے ملزم کو 7 روز میں متعلقہ عدالت میں پیش ہونے کی ہدایت کردی۔ سرکاری وکیل کے مطابق ملزم مسرور علی شاہ پر الزام ہے کہ اس نے کنٹریکٹر کی حیثیت سے ہائر ایجوکیشن کمیشن کی جانب سے ملنے والی رقم میں خورد برد کی۔ ایف آئی اے نے مسرور علی شاہ، سیکرٹری یونیورسٹی قمر شیخ سمیت 8 افراد کیخلاف مقدمہ درج کیا ہے۔