ہزارہ یونیورسٹی ڈیپارٹمنٹ آف سی ایس اینڈ آئی ٹی کے لیکچرر ابرار افضل نے کامیابی سے پی ایچ ڈی کے مقالہ کا دفاع کیا

بدھ 23 جولائی 2025 17:10

مانسہرہ (اُردو پوائنٹ اخبارتازہ ترین - اے پی پی۔ 23 جولائی2025ء) ہزارہ یونیورسٹی ڈیپارٹمنٹ آف سی ایس اینڈ آئی ٹی کے لیکچرر ابرار افضل نے کامیابی سے پی ایچ ڈی کے مقالہ کا دفاع کیا۔ ان کے مقالہ کا عنوان’’دھند میں سمارٹ شہروں کے لیے تاخیر سے آگاہی ،فالٹ ٹولرنٹ ریسورس شیڈولنگ اور ڈیٹا ‘‘ تھا۔

(جاری ہے)

ڈیپارٹمنٹ کے ایسوسی ایٹ پروفیسر ڈاکٹر نورالامین نے بطور سپروائزر اور لیکچرر ڈاکٹر ذوالفقار احمد نے بطور معاون سپروائزر فرائض سر انجام دیئے جبکہ پی ایچ ڈی دفاع میں معزز بیرونی ممتحنین کا ایک پینل شامل تھا، جس میں چیئرمین ایبٹ آباد یونیورسٹی آف سائنس اینڈ ٹیکنالوجی ڈاکٹر محمد نعیم اور پشاور یونیورسٹی سے ڈاکٹر ابرار شامل تھے۔

اس کے علاوہ بیرونی ممتحنین کا ایک بین الاقوامی پینل بھی مقالہ کے دفاع میں شامل تھا، جس میں ملائیشیا اور انگلینڈ سے تعلق رکھنے والے معروف ماہرین تھے۔ تقریب میں فیکلٹی ممبران، سکالرزز طلباء اور انتظامی افسران نے شرکت کی اور ابرار افضل کو کامیابی پر مبارکباد دی۔