بیٹنگ کرنے آیا تو دباؤ تھا، 3 وکٹیں جلد گرچکی تھیں، حیدرعلی

تین ون ڈے میچز کی سیریز کا دوسرا میچ 25 جولائی کو کینٹ کاؤنٹی کے گراؤنڈ پر ہو گا

بدھ 23 جولائی 2025 21:17

بیٹنگ کرنے آیا تو دباؤ تھا، 3 وکٹیں جلد گرچکی تھیں، حیدرعلی

ڈھاکہ (اُردو پوائنٹ اخبارتازہ ترین - این این آئی۔ 23 جولائی2025ء)پاکستان شاہینز کے بیٹر حیدر علی نے کہا ہے کہ بیٹنگ کرنے آیا تو دباؤ تھا، کیونکہ 3 وکٹیں جلد گر چکی تھیں.میڈیا سے گفتگو کرتے ہوئے انہوں نے کہا کہ سعود شکیل کے ساتھ اچھی پارٹنرشپ بنانا اور وکٹ پر زیادہ دیر کھڑا رہنا تھا، پہلے بھی سعود کے ساتھ کھیل چکا ہوں، وہ کریز پر بہت سپورٹ کرتے ہیں۔

(جاری ہے)

حیدر علی نے کہا کہ موسم مشکل تھا جس پر ہٹنگ آسان نہیں تھی لیکن اچھا کھلاڑی خود کو ہر کنڈیشن کے ساتھ ڈھالتا ہے۔حیدر علی نے دورہ انگلینڈ میں پروفیشنل کاؤنٹیز کلب سلیکٹ 11 کے خلاف نصف سنچری اسکور کی تھی۔تین ون ڈے میچز کی سیریز کا دوسرا میچ 25 جولائی کو کینٹ کاؤنٹی کے گراؤنڈ پر ہو گا۔