مصطفی آباد، خاتون سے بالیاں اور پرس چھیننے والا ملزم گرفتار

بدھ 23 جولائی 2025 20:30

لاہور (اُردو پوائنٹ اخبارتازہ ترین - اے پی پی۔ 23 جولائی2025ء) لاہور مصطفی آباد کے علاقے میں خاتون سے بالیاں اور پرس چھیننے والے ملزم کو پولیس نے گرفتار کر لیا۔ترجمان کے مطابق انچارج انویسٹی گیشن تھانہ مصطفی آباد نے ٹیم کے ہمراہ کارروائی کرکے ملزم کوگرفتارکیا۔

(جاری ہے)

ڈی آئی جی انویسٹی گیشن سید ذیشان رضا نے واردات کا نوٹس لیتے ہوئے پولیس ٹیم کو فوری طور پر ملزم کو گرفتار کرنے کا حکم دیا تھا۔انچارج انویسٹی گیشن نے کہا کہ ملزم نے خاتون کو گلی سے گزرتے ہوئے واردات کا نشانہ بنایا،ریکارڈ یافتہ ملزم کو سی سی ٹی وی کیمروں اور ہیومن انٹیلی جنس کی مدد سے گرفتار کیا گیا۔