کوہستان میگا سکینڈل ، اربوں روپے کی ریکوری کا امکان

8 ملزمان نے عبوری ضمانت کیلئے احتساب عدالت میں درخواستیں بھی دائر کردیں

بدھ 23 جولائی 2025 21:10

پشاور (اُردو پوائنٹ اخبارتازہ ترین - این این آئی۔ 23 جولائی2025ء)کوہستان میگا سکینڈل کے 9ملزمان نے پلی بارگین کی درخواستیں دے دیں۔نیب ذرائع کے مطابق کوہستان میگا سکینڈل میں 9ملزمان پلی بارگین کیلئے تیار ہیں اور درخواستیں بھی دے دی ہیں۔ ذرائع کے مطابق ملزمان کی درخواستیں چیئرمین نیب کی منظوری کے بعد احتساب عدالت میں پیش کی جائیں گی۔قبل ازیں تفتیش کے دوران گرفتار ملزمان کی جا ئیدادوں کی کھوج بھی لگائی گئی ہے۔

(جاری ہے)

ذرائع کے مطابق زیادہ تر ملزمان کی اسلام آباد میں کروڑوں روپے کے شاپنگ مال، بنگلے اور دیگر پراپرٹیز ہیں۔ گرفتار ملزم ایوب ٹھیکے دار نے 3ارب 45کروڑروپے کے پلی بارگین کی درخواست دی ہے۔دوسری جانب کوہستان مالیاتی اسکینڈل میں ملوث 8 ملزمان نے عبوری ضمانت کے لیے احتساب عدالت میں درخواستیں دائر کردیں،درخواستیں دینے والوں میں رضی اللہ، مشرف شاہ، عبد الباسط، گل رحمان، شفیق علی ، محبوب ، عالم زیب اور یحییٰ شامل ہیں۔