بابر اور رضوان کو نظر انداز نہیں کرسکتے‘دونوں کو اچانک ڈراپ کرنے سے دبائوبڑھا،ثنا میر

جمعرات 24 جولائی 2025 12:40

لاہور(اُردو پوائنٹ اخبارتازہ ترین - این این آئی۔ 24 جولائی2025ء)پاکستان ویمن کرکٹ ٹیم کی سابق کپتان ثنا میر نے بابر اعظم اور محمد رضوان کو ٹی 20 ٹیم سے باہر کرنے پر تشویش کا اظہار کیا ہے۔ایک انٹرویو میں ثنا میر نے کہا کہ جب آپ زبردستی سلیکشن کے ذریعے کھلاڑیوں کو سائیڈ کرتے ہیں تو آخرکار یہ دباؤ آپ کی ٹیم پر بھی پڑتا ہے۔

(جاری ہے)

انہوں نے کہا کہ جب ہم بابر اور رضوان کے ساتھ کھیلتے ہیں تو توقع کرتے ہیں کہ ان میں سے کسی ایک کو مڈل آرڈر میں کھیلنا چاہیے لیکن ایک ہی وقت میں دونوں کو ڈراپ کردیا گیا۔

سابق کپتان نے کہا کہ اس اچانک اقدام نے موجودہ ٹیم کو بہت زیادہ بوجھ آگیا ہے۔ثنا میر نے کہا کہ بابر اور رضوان نے بھی رنز بنائے ہیں، کھیل کو سمجھتے اور اپنی جگہ کو مستحکم کرنے کے لیے وقت لیتے ہیں، میں پہلے بھی کہہ چکی ہوں کہ آپ اتنے بڑے کھلاڑیوں کو نظر انداز نہیں کرسکتے، سلیکشن پالیسی کو مستقل بنانے کی ضرورت ہے۔واضح رہے کہ بنگلادیش نے پاکستان کو دوسرے ٹی 20 میچ میں 8 رنز سے شکست دے کر سیریز میں 2-0 کی فیصلہ کن برتری حاصل کرلی ہے۔