چینی سفیر کی صدرمملکت سے ملاقات ،دوطرفہ تعلقات، باہمی دلچسپی کے امور اور علاقائی تعاون پر تبادلہ خیال

دونوں ملکوں کے درمیان تجارت، معیشت، ثقافت اور علاقائی روابط کے فروغ کے وسیع مواقع موجود ہیں ، صدر زر داری

جمعرات 24 جولائی 2025 16:54

چینی سفیر کی صدرمملکت سے ملاقات ،دوطرفہ تعلقات، باہمی دلچسپی کے امور ..

اسلام آباد (اُردو پوائنٹ اخبارتازہ ترین - این این آئی۔ 24 جولائی2025ء)چینی سفیر جیانگ زائی دونگ نے ایوانِ صدر میں صدرِ مملکت سے ملاقات کی جس میں دوطرفہ تعلقات، باہمی دلچسپی کے امور اور علاقائی تعاون پر تبادلہ خیال کیا گیا ۔صدر مملکت نے کہاکہ پاکستان چین کے ساتھ اپنے تعلقات کو انتہائی اہمیت دیتا ہے ۔ انہوںنے کہاکہ دونوں ملکوں کے درمیان تجارت، معیشت، ثقافت اور علاقائی روابط کے فروغ کے وسیع مواقع موجود ہیں ۔

(جاری ہے)

انہوںنے کہاکہ خطے میں امن، سلامتی اور خوشحالی کے لیے مل کر کام کرنے کی ضرورت ہے ۔انہوںنے کہاکہ چین نے ہر مشکل وقت میں پاکستان کا بھرپور ساتھ دیا ہے ،پاکستانی عوام اپنے آہنی بھائی چین کی مستقل حمایت پر شکر گزار ہیں۔انہوںنے کہاکہ چین پاکستان کی سماجی و اقتصادی ترقی میں کلیدی کردار ادا کر رہا ہے ۔اس موقع پر، چینی سفیر نے صدرمملکت کی آنے والی سالگرہ پرصدر شی جن پنگ کی جانب سے دلی نیک خواہشات کا خصوصی پیغام پہنچایا۔