میاں اظہر وضع دار اور سادہ تھے‘آخری وقت بھی اپنی جماعت سے وفاداری دکھائی‘اعتزاز احسن

جمعرات 24 جولائی 2025 22:11

لاہور(اُردو پوائنٹ اخبارتازہ ترین - آن لائن۔ 24 جولائی2025ء)پی پی رہنما اعتزاز احسن نے کہا ہے کہ میاں اظہر وضع دار اور سادہ تھے‘آخری وقت بھی اپنی جماعت سے وفاداری دکھائی‘حالات ٹھنڈا کرنا حکومت کا مزاج نہیں، ملک کو کس طرف لے کر جا رہے ہیں مریم کو وزیر اعلی لگا کر ہمیں بتا دیا گیا شریف نام کے ساتھ ہونا ضروری ہے ۔میڈیا کے نمائندوں سے گفتگو کرتے ہوئے پیپلز پارٹی کے رہنما اعتزاز احسن نے کہا کہ میاں اظہر وضع دار اور سادہ تھے ۔

انہوں نے آخری وقت میں بھی اپنی جماعت سے وفاداری دکھائی ۔انہوں نے کہا کہ حماد کے لیے آسان نہیں تھا، تب میاں اظہر نے سیاستدانوں کو سیاست کر کے سبق دیا ۔ انہوں نے بتایا کہ جس وقت جینا مشکل ہو اس وقت سیاست کی ۔ بہت مجبوریاں آئیں لیکن انہوں نے ساتھیوں کا ساتھ نہیں چھوڑا ۔

(جاری ہے)

اعتزاز احسن نے کہا کہ سیاست حالات کول کرنے کا حکومت کا مزاج نہیں ہے۔

حکومت نے جو فیصلے سنائے غلط ہیں۔ آئی جی پنجاب سے سوال کریں، ایک کا جواب بھی نہیں ملے گا۔ جب 9 مئی کا واقعہ ہوا تو 12 مقام تھے۔ کیا ایک متعلقہ ایس ایچ او کے خلاف کارروائی ہوئی انہوں نے سوال کیا کہ یاسمین راشد کو کیا سوچ کر سزا دی گئی ۔ وہ بیمار ہیں، 80 سالہ خاتون ہیں، کچھ تو خدا کا خوف کریں۔ یہ آپ ملک کو کس طرف لے جا رہے ہیں۔اعتزاز احسن نے کہا کہ ایکسٹینشن کے وقت جنرل باجوہ نے پارلیمنٹ میں یہ ریکارڈ قائم کیا کہ 342 میں سے 340 ووٹ ان کے تھے۔ پارٹی کی اکثریت بانی پی ٹی کے حق میں نہیں مگر میری رائے مختلف ہے ۔انہوں نے کہا کہ مریم کو وزیر اعلی لگا کر ہمیں بتا دیا گیا شریف نام کے ساتھ ہونا ضروری ہے ۔ میاں نواز شریف لندن میں غدار کہتے تھے مگر پھر ارکان کو ووٹ کا کہہ دیا ۔