سپیکر قومی اسمبلی سردار ایاز صادق کا مستونگ میں بھارتی حمایت یافتہ دہشت گردوں کے خلاف کامیاب آپریشن پر سکیورٹی فورسز کو خراج تحسین

جمعرات 24 جولائی 2025 21:30

اسلام آباد (اُردو پوائنٹ اخبارتازہ ترین - اے پی پی۔ 24 جولائی2025ء) سپیکر قومی اسمبلی سردار ایاز صادق نے مستونگ میں بھارتی حمایت یافتہ دہشت گردوں کے خلاف کامیاب آپریشن پر سکیورٹی فورسز کو خراج تحسین پیش کرتے ہوئے آپریشن کے دوران میجر زیاد سلیم اور سپاہی ناظم حسین کے جانی نقصان پر گہرے دکھ اور افسوس کا اظہار کیاہے ۔

(جاری ہے)

جمعرات کو اپنے تعزیتی پیغام میں انہوں نے میجر زیاد حسین اور سپاہی ناظم حسین کی جرات اور بہادری کو خراج عقیدت پیش کیا اور کہا کہ بلوچستان میں بھارتی سرپرستی میں سرگرم بھارتی حمایت یافتہ دہشت گردوں کا انجام عبرتناک ہوگا۔

سکیورٹی فورسز کے بہادر جوانوں کی قربانیاں رائیگاں نہیں جائیں گی۔قوم کو اپنے بہادر افسروں اور جوانوں پر فخر ہے۔ پاکستان کے دفاع و استحکام کے لیے جانوں کا نذرانہ دینے والے قوم کے حقیقی ہیرو ہیں۔دہشت گردوں کے خلاف سکیورٹی فورسز کی پیشہ ورانہ کارروائیاں قابل تحسین ہیں۔غم اور دکھ کی گھڑی میں شہداء کے اہلخانہ کے غم میں برابر کا شریک ہوں۔ سپیکر قومی اسمبلی نے اللہ تعالی سے شہداء کے درجات کی بلندی اور لواحقین کو صبر جمیل عطا فرمانے کی دعا بھی کی ۔