Live Updates

بانی پی ٹی آئی سے پاورآف اٹارنی پردستخط کی اجازت کیلئے علیمہ خان نے عدالت سے رجوع کرلیا

جمعہ 25 جولائی 2025 13:31

اسلام آباد(اُردو پوائنٹ اخبارتازہ ترین - این این آئی۔ 25 جولائی2025ء)علیمہ خان نے بانی پی ٹی آئی سے پاور آف اٹارنی پر دستخط کی اجازت کے لیے عدالت سے رجوع کرلیا۔ذرائع کے مطابق علیمہ خان نے اسلام آباد ہائی کورٹ سے اڈیالہ جیل میں جمع کرائی گئی دستاویزات بانی چیئرمین پی ٹی آئی عمران خان سے دستخط کے بعد واپس کرانے کی استدعا کی ہے۔

(جاری ہے)

علیمہ خان کی جانب سے بیرسٹر سلمان صفدر اور دیگر وکلا کے ذریعے اسلام آباد ہائی کورٹ میں درخواست دی گئی ہے، جس میں بتایا گیا کہ لاہور ہائیکورٹ نے ضمانت کی درخواستیں مسترد کی ہیں،ضمانت مسترد ہونے کا فیصلہ سپریم کورٹ میں چیلنج کرنابانی پی ٹی آئی کا حق ہے۔

درخواست کے مطابق سپریم کورٹ میں اپیل کیلئے بانی پی ٹی آئی کے پاورآف اٹارنی پر دستخط ضروری ہیں۔ علیمہ خان کی جانب سے دائر درخواست میں کہا گیاکہ کہ سپریم کورٹ سے رجوع کیلئے مقررہ مدت ختم ہورہی ہے،عدالت پاورآف اٹارنی پر دستخط کروانے کی اجازت دے اور جیل حکام کو حکم دیاجائے کہ بانی پی ٹی آئی سے پاورآف اٹارنی پر دستخط کرانے کی اجازت دیں۔