بھکر، سبزی فروش کی آڑ میں ڈرگ سپلائی کا نیٹ ورک بے نقاب، 10 کلو سے زائد چرس برآمد

جمعہ 25 جولائی 2025 13:31

بھکر(اُردو پوائنٹ اخبارتازہ ترین - این این آئی۔ 25 جولائی2025ء)بھکر پولیس نے ڈرگ مافیا کے خلاف کامیابی حاصل کرتے ہوئے لاکھوں روپے مالیت کی10 کلو 760 گرام چرس برآمد کر لی، کارروائی مسلم بازار کے علاقے میں عمل میں لائی گئی۔پولیس کے مطابق گرفتار ملزم راشد علی سبزی فروش کی آڑ میں منشیات کی سپلائی کا نیٹ ورک چلا رہا تھا۔

(جاری ہے)

ملزم کا تعلق محلہ نواب شاہ سے ہے اور اسے خفیہ اطلاع پر گرفتار کیا گیا۔

تھانہ سٹی بھکر میں مقدمہ درج کر کے مزید تحقیقات کا آغاز کر دیا گیا ۔ پولیس نے کہاکہ ملزم کے دیگر ساتھیوں اور نیٹ ورک کو بے نقاب کرنے کیلئے تفتیش جاری ہے۔ضلعی پولیس حکام کے مطابق منشیات کے خلاف زیرو ٹالرنس پالیسی کے تحت کارروائیاں تیز کر دی گئی ہیں، اور ایسے عناصر کے خلاف بلاامتیاز کارروائی کی جائے گی۔