میجر زیاد سلیم و سپاہی ناظم حسین کو مریم نواز کا خراج عقیدت و اظہار تعزیت

جمعہ 25 جولائی 2025 22:11

لاہور (اُردو پوائنٹ اخبارتازہ ترین - آن لائن۔ 25 جولائی2025ء) وزیراعلیٰ پنجاب مریم نواز شریف نے مستونگ حملے میں جام شہادت نوش کرنے والے میجر زیاد سلیم اور سپاہی ناظم حسین کو زبردست خراج عقیدت پیش کیا ہے۔

(جاری ہے)

انہوں نے شہداء کے اہلِ خانہ سے دلی ہمدردی اور تعزیت کا اظہار کرتے ہوئے کہا کہ مادرِ وطن کے بہادر سپوتوں نے 3 بھارتی حمایت یافتہ دشمنوں کو جہنم واصل کرکے ان کے ناپاک عزائم خاک میں ملا دیے۔ وزیراعلیٰ کا کہنا تھا کہ شہداء نے امن کی شمع اپنے لہو سے روشن کی، پوری قوم ان عظیم قربانیوں پر فخر کرتی ہے اور شہداء کی مقروض ہے۔ انہوں نے مزید کہا کہ سیکیورٹی فورسز کی قربانیاں رائیگاں نہیں جائیں گی، قوم دہشت گردی کے خلاف متحد ہے اور ہر محاذ پر اپنے جوانوں کے ساتھ کھڑی ہے۔