پشاور کو ملکی سطح پر بہترین اور خوبصورت دارالخلافہ بنائیں گے، علی امین گنڈاپور

ہفتہ 26 جولائی 2025 04:25

پشاور (اُردو پوائنٹ اخبارتازہ ترین - این این آئی۔ 26 جولائی2025ء)وزیراعلی خیبرپختونخوا علی امین گنڈاپور نے کہا ہے کہ پشاور کو ملکی سطح پر بہترین اور خوبصورت دارالخلافہ بنائیں گے۔میڈیا سے گفتگو کرتے ہوئے علی امین گنڈاپور نے کہا کہ پشاور کیلئے میگا پراجیکٹس شروع کر رہے ہیں، اس شہر کو ہم نے خوبصورتی کے لحاظ سے پہلے نمبر پر لانا ہے اور ہمارے دورِ حکومت کے بعد پشاور سب سے خوبصورت شہر کہلائے گا۔

(جاری ہے)

انہوں نے کہا کہ صحت، تعلیم، انفرا اسٹرکچر کے منصوبوں پر کام جاری ہے، نکاسی آب اور پینے کے صاف پانی کے منصوبے شروع کیے جارہے ہیں۔وزیراعلی خیبرپختونخوا نے کہا کہ رنگ روڈ مسنگ لنک کی تعمیر اور دیگر منصوبے بھی شامل ہیں، بی آر ٹی سروس مزید علاقوں تک پھیلانے کیلئے منصوبے تیار کیے ہیں۔انہوں نے کہا کہ ٹریفک کے مسائل حل کرنے کیلئے انڈر پاسز کی تعمیرات جاری ہیں اور 2ماہ میں شہریوں کو سولر پینل بھی ملنا شروع ہو جائیں گے۔