پنجاب یونیورسٹی لائبریری کے زیر اہتمام ورکشاپ کا انعقاد

ہفتہ 26 جولائی 2025 16:33

لاہور (اُردو پوائنٹ اخبارتازہ ترین - این این آئی۔ 26 جولائی2025ء) پنجاب یونیورسٹی لائبریری نے ایچ ای سی ڈیٹا بیس کے تحت ’’بائبلیومیٹرک اور نظامی جائزوں کے لیے اسکوپس کا استعمال‘‘کے موضوع پر خصوصی ورکشاپ کا انعقاد کیاجس کا مقصد مختلف سافٹ ویئرز کے موثر استعمال کے ذریعے تحقیقی مہارتوں کو بڑھانا تھا۔اس موقع پر چیف لائبریرین ڈاکٹر محمد ہارون عثمانی، پنجاب یونیورسٹی اور دیگر یونیورسٹیوں کے طلباء، ریسرچ سکالرز اور فیکلٹی ممبران نے شرکت کی۔

(جاری ہے)

اپنے خطاب میں ڈاکٹر محمد ہارون عثمانی نے کہا کہ شرکاء کی فعال مصروفیت اور تاثرات علمی اور تحقیقی مہارت کے لیے اس طرح کی تکنیکی ورکشاپس کی اہمیت کو اجاگر کرتے ہیں۔ انہوں نے آرگنائزنگ ٹیم کی کاوشوں کو بھی سراہا اور علمی تحقیق کو تقویت دینے کے لیے ایسے تربیتی سیشنز کی اہمیت پر زور دیا۔ ریسورس پرسنز ڈپٹی چیف لائبریرین کاشف خورشید اور لائبریرین ڈاکٹر مرتضیٰ عاشق نے گہرائی سے عملی معلومات اور مظاہروں کے ساتھ شرکاء کی رہنمائی کی۔