آئی سی ٹی پولیس کی کارروائی، مختلف جرائم میں ملوث 13 ملزمان گرفتار

ہفتہ 26 جولائی 2025 23:06

اسلام آباد (اُردو پوائنٹ اخبارتازہ ترین - اے پی پی۔ 26 جولائی2025ء) اسلام آباد کیپیٹل ٹیریٹری (آئی سی ٹی) پولیس، کراچی کمپنی، مارگلہ، شالیمار، سبزی منڈی، رمنا، گولڑہ، شمس کالونی، کھنہ اور کورال تھانے کی ٹیموں نے مختلف جرائم میں ملوث 13 ملزمان کو گرفتار کر لیا۔ہفتہ کوپبلک ریلیشن آفیسر نے بتایا کہ آئی سی ٹی پولیس کی ٹیموں نے ان کے قبضے سے 5,050 گرام ہیروئن، 1,903 گرام چرس، 350 گرام آئس، پانچ پستول بمعہ گولہ بارود اور ایک خنجر بھی برآمد کیا۔

گرفتار افراد کے خلاف مقدمات درج کر کے مزید تفتیش جاری ہے۔

(جاری ہے)

مزید برآں اشتہاری اور مفرور ملزمان کی گرفتاری کے لیے شروع کی گئی خصوصی مہم کے دوران پولیس کی مختلف ٹیموں نے مزید 43 مجرموں کو گرفتار کیا۔انسپکٹر جنرل آف پولیس (آئی جی پی) اسلام آباد سید علی ناصر رضوی کی خصوصی ہدایات پر وفاقی دارالحکومت میں امن و امان کو یقینی بنانے کے لیے اسلام آباد پولیس جرائم پیشہ عناصر کے خلاف اپنا موثر کریک ڈاؤن جاری رکھے ہوئے ہے،اسلام آباد پولیس شہریوں کے جان و مال کے تحفظ کے لیے پرعزم ہے اور کسی بھی عناصر کو عوامی امن خراب کرنے کی اجازت نہیں دی جائے گی۔ حفاظت کو یقینی بنانا اور امن و امان برقرار رکھنا اسلام آباد پولیس کی اولین ترجیح ہے۔