حفاظتی ٹیکہ جات کی کوریج کو بڑھانے کیلئے ایک مربوط اور موثر اقدامات کیے جائیں، مصطفی کمال

پیر 28 جولائی 2025 17:26

اسلام آباد(اُردو پوائنٹ اخبارتازہ ترین - این این آئی۔ 28 جولائی2025ء)وفاقی وزیر صحت مصطفی کمال نے کہاہے کہ حفاظتی ٹیکہ جات کی کوریج کو بڑھانے کیلئے ایک مربوط اور موثر اقدامات کیے جائیں۔پیرکووزیر صحت مصطفی کمال نے میں فیڈرل ڈائریکٹوریٹ آف امیونایزیشن کے اجلاس میں کہاکہ حفاظتی ٹیکہ جات کی کوریج کو بڑھانے کیلئے ایک مربوط اور موثر اقدامات کیے جائیں۔

(جاری ہے)

انہوں نے کہا کہ بچوں کو بارہ بیماریوں سے بچاؤ کیلئے ایک موثر ملک گیر مہم کیلئے نیو پلان مرتب کیا جائے ، آگاہی مہم کا مقصد بچوں میں بارہ مہلک بیماریوں سے بچاؤ کی ویکسینیشن کو یقینی بنانا ہے۔انہوں نے کہا کہ والدین کو باور کروائیں اپنے بچوں کے دشمن مت بنیں ،والدین اپنے بچوں کو مہلک بیماریوں سے بچانے کیلیے اپنے بچوں کو ہیلتھ سنٹر ویکسی نیشن کیلئے لائیں۔ احتیاط علاج سے بہتر ہے ہمارا فوکس بچوں کو بیمار ہونے سے بچانا ہے ،بچوں کو مہلک بیماریوں سے بچانا والدین کا مذہبی اور اخلاقی فریضہ ہے۔اجلاس میں حفاظتی ٹیکوں سے متعلق پروگرام (ای پی آئی)کیڈائریکٹر جنرل نے حفاظتی ٹیکہ جات پروگرام کو درپیش چیلنجز اور آئندہ کے لائحہ عمل پر بریفنگ دی۔