الیکشن کمیشن نے بغیر کسی نوٹس اعجاز چوہدری،احمد خان پھجر ،احمد چٹھہ کو نااہل قرار دیدیا‘ مسرت چیمہ

منگل 29 جولائی 2025 14:11

لاہور(اُردو پوائنٹ اخبارتازہ ترین - این این آئی۔ 29 جولائی2025ء) پاکستان تحریک انصاف کی سینئر رہنما مسرت جمشید چیمہ نے کہا ہے کہ الیکشن کمیشن سپریم کورٹ کے 90 دن میں انتخابات کروانے اور مخصوص نشستیں تحریک انصاف کو دینے والے فیصلے کو نہیں مانتا لیکن جیسے ہی ناحق سزائیں دی گئیں الیکشن کمیشن نے بغیر کسی نوٹس کے سینیٹر اعجاز چوہدری،ملک احمد خان پھجر اور احمد چٹھہ کو نااہل قرار دیدیا۔

(جاری ہے)

اپنے بیان میں مسرت جمشید چیمہ نے کہا کہ الیکشن کمیشن ایک آئینی ادارہ ہے لیکن وہ تحریک انصاف کے خلاف بطور فریق کام کر رہا ہے اور اپنے اختیارات سے تجاوز کر رہاہے ۔جب کسی معاشرے میں انصاف اورآئین و قانون کو اس طرح روندا جاتا ہے تو اس کے نتائج بھی بھیانک ہوتے ہیں ۔ ہم بار بار التجا ئیں کر رہے ہیں اپنی سیاست کو بچانے کے لئے آئین و قانون کے ساتھ کھلواڑ نہ کریں کیونکہ اس کا خمیازہ ملک اور عوام کو بھگتنا پڑتا ہے ۔