وزیر اعلیٰ علی امین گنڈا پور کے وارنٹ گرفتاری معطلی کا تحریری فیصلہ جاری

فیصلہ جسٹس اعجاز انور نے تحریر کیا جس میں عدالت نے وزیر اعلیٰ کو گرفتار نہ کرنے کا حکم دیتے ہوئے کیس نمٹا دیا

منگل 29 جولائی 2025 16:23

وزیر اعلیٰ علی امین گنڈا پور کے وارنٹ گرفتاری معطلی کا تحریری فیصلہ ..

پشاور(اُردو پوائنٹ اخبارتازہ ترین - این این آئی۔ 29 جولائی2025ء) وزیر اعلیٰ خیبرپختونخوا علی امین گنڈاپور کے خلاف جاری وارنٹ گرفتاری کے معاملے پر پشاور ہائی کورٹ نے اہم تحریری فیصلہ جاری کر دیا۔فیصلہ جسٹس اعجاز انور نے تحریر کیا جس میں عدالت نے وزیر اعلیٰ کو گرفتار نہ کرنے کا حکم دیتے ہوئے کیس نمٹا دیا ہے۔

(جاری ہے)

ذرائع کے مطابق پشاور ہائی کورٹ میں دائر درخواست کے بعد عدالت نے یہ ہدایت بھی جاری کی ہے کہ وزیر اعلیٰ اسلام آباد کی سینئر سول جج کورٹ نمبر 2 میں پیش ہوں۔

فیصلے کے مطابق وزیر اعلیٰ علی امین گنڈاپور کو پیش ہونے کی ہدایت دی گئی ہے، کیس پر آج اسلام آباد کے سینئر سول جج سماعت کریں گے، عدالت نے عدم پیشی پر پہلے مقامی پولیس کو گرفتاری کا حکم دیا تھا۔یاد رہے کہ اسلام آباد کی عدالت نے عدم حاضری پر وارنٹ گرفتاری جاری کیے تھے جس کے بعد یہ معاملہ پشاور ہائی کورٹ میں زیر سماعت آیا تھا۔