Live Updates

ورکر ، ان کے بچے اقتدار کی ہوس کی تکمیل کیلئے استعمال ہوں گے،خواجہ آصف

عمران خان کی کوئی بھی حرکت سیاسی یا مالی منافع کے نہیں ہوتی، وزیر دفاع کا بیٹوں کے پاکستان آنے سے روکنے پر ردعمل

منگل 29 جولائی 2025 22:35

اسلام آباد(اُردو پوائنٹ اخبارتازہ ترین - این این آئی۔ 29 جولائی2025ء)وزیردفاع خواجہ آصف نے عمران خان کے بیٹوں کو پاکستان آنے سے روکنے پرردعمل دیتے ہوئے کہاہے کہ ورکر اور ان کے بچے اقتدار کی ہوس کی تکمیل کیلئے استعمال ہوں گے،تاریخ میں اس سے بڑی نوسر بازی شاید ہی کسی نے کی ہو۔

(جاری ہے)

سماجی رابطے کی ویب سائٹ ایکس پر جاری بیان میں خواجہ آصف نے کہاکہ بہت سے ڈراموں میں سے یہ بھی ایک ڈرامہ تھا،مقصد والد اور اولاد کی ملاقات نہیں سیاسی منافع تھا،عمران خان کی کوئی بھی حرکت سیاسی یا مالی منافع کے نہیں ہوتی۔

انہوںنے کہاکہ ورکر اور ان کے بچے اقتدار کی ہوس کی تکمیل کیلئے استعمال ہوں گے، یہ منافقت میں لپٹی بزدلی ہے، حقیقی آزادی کیلئے عام آدمی کو اولاد اور اپنی اولاد یہودی لابی کیلئے، قربانیوں کیلئے اولاد بھی دوسروں کی اور مال بھی دوسروں کا، تاریخ میں اس سے بڑی نوسر بازی شاید ہی کسی نے کی ہو۔