اسرائیل نے برطانوی اعلان مسترد کر دیا

برطانوی موقف میں تبدیلی فرانسیسی اقدام اور داخلی سیاسی دبائو کا نتیجہ ہے،وزارت خارجہ

بدھ 30 جولائی 2025 17:13

تل ابیب (اُردو پوائنٹ اخبارتازہ ترین - این این آئی۔ 30 جولائی2025ء)فلسطین کو مشروط طور پر ریاست تسلیم کرنے کا برطانوی اعلان اسرائیل نے مسترد کر دیا۔اسرائیلی وزارت خارجہ کے مطابق اسرائیل برطانیہ کے وزیرِاعظم کے بیان کو مسترد کرتا ہے، برطانوی حکومت کے موقف میں تبدیلی فرانسیسی اقدام اور داخلی سیاسی دبائو کا نتیجہ ہے۔

(جاری ہے)

انہوں نے کہا کہ برطانوی حکومت کا مقف حماس کے لیے ایک انعام کے مترادف ہے جس سے غزہ میں جنگ بندی اور یرغمالیوں کی رہائی کے معاہدے کی کوششوں کو نقصان پہنچے گا۔واضح رہے کہ لندن میں کابینہ کے ہنگامی اجلاس کے بعد برطانوی وزیراعظم سر کیئر اسٹارمر نے کہا تھا کہ غزہ کی صورتحال نہ بدلی تو برطانیہ ستمبر میں فلسطین کو ریاست تسلیم کرے گا۔