راولپنڈی،17 روز کے دوران 160 پیشہ ور گداگروں کو حراست میں لیا گیا

پیشہ ور گداگروں میں سے بیشتر چوری، منشیات فروشی و دیگر جرائم میں ملوث ہوتے ہیں،پولیس

بدھ 30 جولائی 2025 22:35

راولپنڈی(اُردو پوائنٹ اخبارتازہ ترین - این این آئی۔ 30 جولائی2025ء)شہر بھر سی17 روز کے دوران 160 پیشہ ور گداگروں کو حراست میں لیا گیا۔تفصیلات کے مطابق سی پی او سید خالد ہمدانی کی ہدایت پر شہر بھر میں پیشہ ور گداگروں کے خلاف کریک ڈاؤن جاری ہے،گزشتہ 17 روز کے دوران شہر بھر سی160 پیشہ ور گداگروں کو حراست میں لیا گیا،پیشہ ور گداگروں کے خلاف کارروائی کے لئے سپیشل سکواڈ تشکیل دئیے گئے ہیں، پیشہ ور گداگروں میں سے بیشتر چوری، منشیات فروشی اور دیگر جرائم میں بھی ملوث ہوتے ہیں۔

(جاری ہے)

سی پی او سید خالد ہمدانی نے کہا کہ مصروف سڑکوں اور شاہراہوں پر گداگری کی روک تھام کے لیے کڑی نگرانی کی جا رہی ہے،وزیر اعلیٰ پنجاب کے ویژن کے مطابق شہر بھر میں پیشہ ور گداگروں کے خلاف کریک ڈاؤن جاری رہے گا۔