وزیراعظم کی چینی کی زائد قیمت وصول کرنے والوں کیخلاف سخت کارروائی کی ہدایت

بدھ 30 جولائی 2025 22:40

اسلام آباد(اُردو پوائنٹ اخبارتازہ ترین - این این آئی۔ 30 جولائی2025ء)وزیر اعظم شہباز شریف نے چینی کی زائد قیمت وصول کرنے والوں کیخلاف سخت کارروائی کی ہدایت کردی۔

(جاری ہے)

ذرائع کے مطابق وزیراعظم شہباز شریف کے زیر صدارت چینی کے حوالے سے اجلاس ہوا، جس میں وزیر اعظم نے 165روپے ایکس مل قیمت اور 173روپے ریٹیل قیمت پر عمل درآمد یقینی بنانے کی ہدایت کی ہے۔دوران اجلاس وزیراعظم نے ہدایت کرتے ہوئے کہا کہ زائد قیمتیں وصول کرنے والوں کے خلاف سخت کارروائی کی جائے۔انہوں نے کہاکہ کسی کو بھی عوام کے معاشی استحصال کی ہر گز اجازت نہیں دیں گے۔دوران اجلاس حکام نے بریفنگ دیتے ہوئے کہا کہ چینی کی مصنوعی قلت پیدا کرنے والوں کے خلاف کارروائیاں جاری ہیں ۔