Live Updates

لکی مروت‘ بارش کے باعث مکان کی چھت گر گئی، 3 افراد جاں بحق

افسوسناک واقعہ لکی مروت میں قلعہ گراؤنڈ کے قریب کچی آبادی میں پیش آیا

جمعرات 31 جولائی 2025 11:55

لکی مروت(اُردو پوائنٹ اخبارتازہ ترین - این این آئی۔ 31 جولائی2025ء) لکی مروت میں بارش کے باعث مکان کی چھت گرنے سے ملبے تلے دب کر 3 افراد جاں بحق ہوگئے۔

(جاری ہے)

ریسکیو ترجمان کے مطابق افسوسناک واقعہ لکی مروت میں قلعہ گراؤنڈ کے قریب کچی آبادی میں پیش آیا، جہاں گزشتہ رات سے جاری بارش کی وجہ سے خستہ حال کچے مکان کی چھت گر گئی۔حکام نے بتایا کہ چھت گرنے سے 3 افراد ملبے تلے دب کر دم توڑ گئے، جاں بحق ہونے والوں میں شوکت اللہ اور دو خواتین شامل ہیں۔ریسکیو حکام کے مطابق نعشوں کو تحصیل ہیڈکوارٹر ہسپتال نورنگ منتقل کر دیا گیا ہے۔