Live Updates

لکی مروت: سرائے نورنگ میں بارش کے دوران گھر کی چھت گر گئی، 3 افراد جاں بحق

جمعرات 31 جولائی 2025 19:35

لکی مروت (اُردو پوائنٹ اخبارتازہ ترین - این این آئی۔ 31 جولائی2025ء)لکی مروت میں سرائے نورنگ میں رات گئے طوفانی بارش سے نظام زندگی درہم برہم ہوگیا، موسلا دھار بارش کے باعث ایک گھر کی چھت گرنے سے 3 افراد جاں بحق ہوگئے۔

(جاری ہے)

میڈیا رپورٹ کے مطابق لکی مروت میں بارشوں کے باعث قلعہ گراؤنڈ کے قریب کچی آبادی شدید متاثر ہوئی، گھروں میں پانی داخل ہوگیا جبکہ ایک گھر کی چھت گرنے سے جاں بحق ہونے والوں میں 15 سالہ شوکت اللّٰہ اور 2 خواتین شامل ہیں۔

ریسکیو کے مطابق واقعہ رات گئے پیش آیا، اہل علاقہ نے خود بھی امدادی کاموں میں حصہ لیا، لاشوں کو تحصیل ہیڈکوارٹر ہسپتال نورنگ منتقل کر دیا گیا۔کچی آبادی میں کئی اور گھروں کو بھی خطرات لاحق تھے، تاہم ریسکیو اہلکاروں کی بروقت کارروائی سے مزید جانی نقصان بچا لیا گیا۔