سابق صدر ڈاکٹر عارف علوی، وزیر اعلیٰ خیبرپختونخواہ علی امین گنڈاپور، علیمہ خان سمیت پی ٹی آئی کے 50 رہنماؤں کے وارنٹ گرفتاری جاری

جمعرات 31 جولائی 2025 21:00

اسلام آباد (اُردو پوائنٹ اخبارتازہ ترین - اے پی پی۔ 31 جولائی2025ء) انسداد دہشت گردی عدالت کے جج ابوالحسنات ذوالقرنین کی عدالت نے 26 نومبر احتجاج پرتھانہ کراچی کمپنی میں درج مقدمہ میں سابق صدر ڈاکٹر عارف علوی، وزیر اعلیٰ خیبرپختونخواہ علی امین گنڈاپور، علیمہ خان سمیت 50 رہنماؤں کے وارنٹ گرفتاری جاری کرد یئے ۔

(جاری ہے)

جمورات کے روز سماعت کے دوران عدالتی طلبی کے باوجود مسلسل عدم پیشی پر عارف علوی، عبدالقیوم نیازی، شبلی فراز، فیصل جاوید، سلمان اکرم راجہ، روف حسن، مراد سعید، احمد نیازی،وزیراعلیٰ کے پی علی امین گنڈاپور، اسد قیصر، حماد اظہر، عاطف خان، شعیب شاہین، اعظم خان سواتی، عمر ایوب، صاحبزاہ حامد رضا،علیمہ خانم، شیخ وقاص اکرم، کنول شوزب، شاندانہ گلزار، شیرافضل مروت سمیت41 ملزمان کے وارنٹ گرفتاری جاری کرد یئے جبکہ 9 پی ٹی آئی رہنمائوں کے وارنٹ گرفتاری پہلے ہی جاری ہوچکے ہیں، عدالت کی جانب سے مجموعی طور پر 50 پی ٹی آئی رہنمائوں کے وارنٹ گرفتاری جاری ہوچکے۔

پی ٹی آئی رہنماوں کے وارنٹ کراچی کمپنی میں درج مقدمہ نمبر 1193 میں جاری کئے گئے۔