پاکستان اسٹریٹ چائلڈ فٹبال ٹیم ناروے کپ سے آئوٹ،پری کوارٹر فائنل میں گیمبیا کے ہاتھو ں0-3 سے شکست ہوگئی

جمعہ 1 اگست 2025 13:35

اسلام آباد (اُردو پوائنٹ اخبارتازہ ترین - این این آئی۔ 01 اگست2025ء)پاکستان اسٹریٹ چائلڈ فٹبال ٹیم کا ناروے کپ کے پری کوارٹر فائنل میں سفر ختم ہوگیا، گیمبیا کے ہاتھوں 0-3 کی شکست نے ایونٹ سے باہرکردیا۔

(جاری ہے)

اوسلومیں منعقدہ یوتھ فٹبال ٹورنامنٹ میں پاکستان اسٹریٹ چائلڈ فٹبال ٹیم پری کواٹر فائنل مرحلے میں ہمت ہارگئی۔گیمبیا کی مضبوط ٹیم نے یکطرفہ مقابلے میں 3 گول سے فتح اپنے نام کی، پاکستان اسٹریٹ چائلڈ فٹبال ٹیم کھیل میں بے بس نظر آئی اور ایک گول بھی نہ کرسکی۔قبل ازیں پاکستان اسٹریٹ چائلڈ فٹبال ٹیم نے اپنے چوتھے میچ میں سوئیڈن کے اسکائیل برگس کلب کو 0-3 سے شکست دے دی۔