اسلام آباد ٹریفک پولیس کی غیر ملکی معزم مہمان کی آمد پر ٹریفک ایڈوائزری جاری

جمعہ 1 اگست 2025 22:30

اسلام آباد (اُردو پوائنٹ اخبارتازہ ترین - اے پی پی۔ 01 اگست2025ء) اسلام آباد ٹریفک پولیس نے یکم اگست 2025ء کو غیر ملکی معزز مہمان کی آمد و رفت کے پیش نظر شہریوں کے لیے خصوصی ٹریفک ایڈوائزری جاری کر دی ہے۔ ترجمان اسلام آباد ٹریفک پولیس کے مطابق کورال، فیض آباد، ایکسپریس ہائی وے، مری روڈ، کلب روڈ، سرینہ ہوٹل، زیرو پوائنٹ اور سرینگر ہائی وے سمیت مختلف شاہراہوں پر سکیورٹی کے غیر معمولی انتظامات کیے گئے ہیں۔

ایڈوائزری کے مطابق شام 05:00 بجے سے 06:30 بجے تک ایکسپریس ہائی وے اور سرینگر ہائی وے پر مہمان کے روٹ کے باعث ٹریفک کی روانی متاثر ہونے کا امکان ہے۔ترجمان کا کہنا تھا کہ شہری متبادل راستوں کا استعمال کریں ،ایکسپریس ہائی وے اور سرینگر ہائی وے سے منسلک سروس روڈ،بلیو ایریا، F-6، F-7 کے لیے H-8 انڈر پاس ،ریڈ زون اور سرینہ ہوٹل کے لیے مارگلہ روڈ، جناح ایونیو، ایوب چوک اور نادرا چوک ،بری امام جانے والے نادرا چوک استعمال کریں ،سیکٹر I اور H کے لیے راولپنڈی پشاور روڈ اور آئی جے پی روڈ کی سروس روڈ،،مری روڈ سے سرینہ اور فیض آباد براستہ راول ڈیم راستہ بند رہے گا،چیف ٹریفک آفیسر کیپٹن (ر) سید ذیشان حیدر کے مطابق شہری کسی بھی سفری دشواری سے بچنے کے لیے کم از کم 20 منٹ اضافی وقت رکھ کر روانہ ہوں۔

(جاری ہے)

ٹریفک پولیس کے اہلکار مختلف مقامات پر موجود رہیں گے تاکہ شہریوں کی رہنمائی کی جا سکے۔کسی بھی پریشانی یا معلومات کے لیے اسلام آباد ٹریفک پولیس کی ہیلپ لائن 1915 سے رابطہ کیا جا سکتا ہے جبکہ سوشل میڈیا پلیٹ فارمز پر بھی تازہ ترین اپ ڈیٹس فراہم کی جا رہی ہیں۔