ریسکیو 1122 نے ماہانہ کارکردگی رپورٹ جاری کردی

ہفتہ 2 اگست 2025 22:08

ہری پور (اُردو پوائنٹ اخبارتازہ ترین - اے پی پی۔ 02 اگست2025ء) ریسکیو 1122 ہری پور نے ماہانہ کارکردگی رپورٹ جاری کردی۔ ڈسڑکٹ ایمرجنسی آفیسر ریسکیو1122 ہری پور نے گذشتہ ماہ کی کارکردگی رپورٹ جاری کر دی جس کے مطابق ریسکیو کنٹرول روم کو گزشتہ ماہ مجموعی طور پر 18,317 کالز موصول ہوئیں جن میں 13,485 غیر ضروری اور جعلی کالز شامل تھیں،جولائی کے مہینے میں ریسکیو ٹیموں نے 327 مختلف نوعیت کی ایمرجنسی صورتحال میں بروقت رسپانس کرتے ہوئے عوام کو سہولیات فراہم کیں جن میں 226 میڈیکل،72 روڈ/ٹریفک حادثات،04 آگ لگنے کے واقعات،04 لڑائی جھگڑے،01 ڈوبنے کا واقعہ،03 عمارت منہدم ہونے کے واقعات اور 17 متفرق قسم کے واقعات شامل ہیں،ان واقعات میں 894 مریض متاثر جن میں سے 06 انتقال کر گئے جنکو مختلف ہسپتالوں میں منتقل کیا گیا،ہسپتال سے ہسپتال منتقلی سروس کے تحت 26 مریضوں کو ضلع کے اندر اور 44 کو ضلع سے باہر کی ہسپتالوں میں منتقل کیا گیا،ڈسٹرکٹ ایمرجنسی آفیسر نور الامین نے بتایا کہ ریسکیو 1122 کی خدمات کا سلسلہ اسی طرح جاری رہے گا اور ضلع کی عوام کو تمام ایمرجنسی سہولیات کی فراہمی یقینی بنائیں گے انہوں نے کہا کہ عوام ایمرجنسی کے دوران ریسکیو 1122 کا ساتھ دیں اور جعلی و غیر ضروری کالز سے پرہیز کریں۔

Facebook Twitter Google + Share on Whatsapp

ریسکیو 1122 نے ماہانہ کارکردگی رپورٹ جاری کردی

متعلقہ عنوان :

مزید قومی خبریں