Live Updates

اتوار کو بلوچستان کے بیشتر علاقوں میں موسم زیادہ تر گرم رہے گا

ہفتہ 2 اگست 2025 21:00

کوئٹہ (اُردو پوائنٹ اخبارتازہ ترین - اے پی پی۔ 02 اگست2025ء) بلوچستان کے بیشتر علاقوں میں اتوار کو موسم زیادہ تر گرم رہنے کی توقع ہے۔ علاقائی موسمیاتی مرکز بلوچستان کے ترجمان کے مطابق ژوب، بارکھان، موسیٰ خیل، شیرانی، لورالائی، زیارت، ہرنائی، بولان، کوہلو، دریجی، خضدار اورلسبیلہ کے اضلاع سمیت پہاڑی علاقوں میں مختلف مقامات پر بوندا باندی اور ہلکی بارش کا امکان ہے جبکہ بعض مقامات پر آندھی اور گرج چمک کے ساتھ بارش ہوسکتی ہے۔

(جاری ہے)

نوشکی، چاغی، خاران، واشک اور پنجگور کے علاقوں میں گرد آلود ہواؤں کے ساتھ دن کا درجہ حرارت انتہائی گرم رہے گا۔گزشتہ 24 گھنٹوں کے دوران خضدار میں 15.8 ملی میٹر جبکہ ژوب میں 07.0 ملی میٹر بارش ریکارڈ کی گئی۔سب سے زیادہ درجہ حرارت دالبندین میں 43.5 ڈگری سینٹی گریڈ ریکارڈ کیا گیا۔