آئی ایس پی آر سمر انٹرشپ 2025 میں شامل خیبرپختونخواہ کی مختلف جامعات کے طلباء و طالبات کا قلعہ بالا حصار کا دورہ

اتوار 3 اگست 2025 13:40

اسلام آباد (اُردو پوائنٹ اخبارتازہ ترین - اے پی پی۔ 03 اگست2025ء) آئی ایس پی آر سمر انٹرشپ 2025 میں شامل خیبرپختونخواہ کی مختلف جامعات کے طلباء و طالبات کا قلعہ بالا حصار کا دورہ کیا۔آمد پر طلباء و طالبات کو قلعہ بالا حصار کے تاریخی پس منظر اور فرنٹیئر کور خیبرپختونخوا نارتھ کی امن و ترقی کیلئے کاوشوں پر تفصیلی بریفنگ دی گئی۔ فرنٹیئر کور خیبرپختونخوا نارتھ کے حکام نےامن وامان، سیکورٹی اور ترقیاتی منصوبوں کے بارے میں طلباء و طالبات کے سوالات کے تفصیلاً جوابات دیئے۔

طلباء و طالبات نے پاک فوج اور فرنٹیئر کور خیبرپختونخوا نارتھ کے غازیوں اور شہداء کو زبردست خراج تحسین پیش کیا۔طلباء و طالبات نے بالا حصار میوزیم میں آویزاں تاریخی ادوار کی بہترین منظر کشی, شہداء اور ثقافتی گیلری میں بھرپور دلچسپی کا اظہار کیا۔

(جاری ہے)

طلباء و طالبات نے اپنے دورے کو مفید قرار دیا اور پاک فوج و فرنٹیئر کور خیبرپختونخوا نارتھ کا شکریہ ادا کیا۔

یونیورسٹی آف پشاور کی طالبہ حور العین نے کہا کہ وطن کی دفاع میں پاک فوج اور فرنٹیئر کور خیبرپختونخوا نارتھ کے بہادر جوانوں کا خون ذرے ذرے میں شامل ہے جو ہر خطرے سے بے خوف وطن کی دفاع کیلئے کھڑے ہیں ۔ اسی طرح یونیورسٹی آف پشاور سے سیدیا فضاء علی نے اپنے جذبات کا اظہار کرتے ہوئے کہا کہ بالا حصار کی تاریخ فرنٹیئر کور خیبرپختونخوا نارتھ کی شجاعت اور بہادری کی داستانوں سے بھری پڑی ہے جبکہ ہمنہ شہزاد نے کہا کہ آج کے دورے سے ہمیں یہ معلوم ہوا کہ فرنٹیئر کور خیبرپختونخوا نہ صرف دفاع بلکہ عوام کی ترقی و خوشحالی کیلے سرگرم عمل ہے ۔ ایک طالبہ لائبہ حبیب نے کہا کہ دورے سے ہمیں بالا حصار کی تاریخ جاننے اور دیکھنے کا عملی موقع ملا جو ہمارے لئے باعث فخر ہے ۔