ہری پور ،شہدائے پولیس کو سلام عقیدت پیش کرنے کے لیے ہری پور پولیس کی جانب سے ریلی کا انعقاد

اتوار 3 اگست 2025 17:20

ہری پور (اُردو پوائنٹ اخبارتازہ ترین - اے پی پی۔ 03 اگست2025ء) شہدائے ہری پور پولیس کو سلام عقیدت پیش کرنے کے لیے ہری پور پولیس کی جانب سے ریلی کا انعقاد کیا گیا۔ تفصیلات کے مطابق شہدائے ہری پور پولیس کو سلام عقیدت پیش کرنے کے لیے ہری پور پولیس کی جانب سے ریلی کا انعقاد کیا گیا ۔

(جاری ہے)

ریلی میں ڈی ایس پی سٹی منیر خان ،ڈی ایس پی ہیڈ کوارٹر محمد طفیل،ایس ایچ اوز ،انچارج ٹریفک،سول سوسائٹی ،ینگ تاجر گروپ ،آے ٹی اے اور پولیس افسران و جوانوں نے شرکت کی ۔

ریلی شیرانوالہ گیٹ سے شروع ہو کر پولیس شہداء کیمپ چمن پارک میں اختتام پذیر ہوئی ۔مقررین نے گفتگو کرتے ہوئے کہا کہ خیبر پختونخوا پولیس نے امن و امان کو قائم رکھنے کے لیے آئی جی سے لے کر کنسٹیبل تک نے اپنی جانیں پیش کیں۔شہیدوں کا خون کبھی رائیگاں نہیں جائے گا، شہدائے پولیس کو سلام عقیدت پیش کرتے ہیں ۔بعد ازاں ملک پاکستان میں امن و امان سلامتی اور شہدائے پولیس کے بلند درجات کے لیے دعا کی گئی۔\378