راولپنڈی بھر میں پیشہ ور گداگروں کے خلاف مؤثر کریک ڈاؤن جاری

اتوار 3 اگست 2025 19:20

راولپنڈی (اُردو پوائنٹ اخبارتازہ ترین - اے پی پی۔ 03 اگست2025ء) سٹی پولیس آفیسر (سی پی او) سید خالد ہمدانی کی خصوصی ہدایت پر راولپنڈی بھر میں پیشہ ور گداگروں کے خلاف مؤثر کریک ڈاؤن جاری ہے۔ گزشتہ 21 روز کے دوران شہر کے مختلف علاقوں سے 182 پیشہ ور گداگروں کو حراست میں لیا گیا ہے۔

(جاری ہے)

ترجمان کے مطابق سی پی او کے احکامات پر خصوصی اسکواڈز تشکیل دیئے گئے ہیں جو مصروف چوراہوں، سڑکوں اور شاہراہوں پر مسلسل نگرانی کر رہے ہیں۔

گرفتار گداگروں میں سے متعدد افراد ماضی میں چوری، منشیات فروشی اور دیگر جرائم میں بھی ملوث رہے ہیں۔ سی پی او کا کہنا ہے کہ وزیر اعلیٰ پنجاب کے ویژن کے مطابق شہریوں کو محفوظ ماحول فراہم کرنے اور جرائم پیشہ عناصر کی سرکوبی کے لیے پیشہ ور گداگروں کے خلاف کارروائیاں تسلسل سے جاری رہیں گی۔