14 اگست ہماری قومی تاریخ کا روشن باب ہے ‘ڈاکٹرراغب نعیمی

ْجامعہ نعیمیہ کے زیراہتمام جشن آزادی نہایت ملی جذبے کے ساتھ منایا جائے گا‘علماء سے گفتگو تعلیم، رواداری، اور بین المسالک ہم آہنگی کو فروغ دینا ہوگا ‘چیئرمین اسلامی نظریاتی کونسل

اتوار 3 اگست 2025 20:10

لاہور(اُردو پوائنٹ اخبارتازہ ترین - این این آئی۔ 03 اگست2025ء)جامعہ نعیمیہ لاہور کے زیراہتمام جشن آزادی نہایت ملی جذبے، قومی یکجہتی اور مذہبی وقار کے ساتھ منایا جائے گا۔ 14اگست کے موقع پر خصوصی تقریبات پرچم کشائی، اور فکر انگیز خطابات کا اہتمام کیا جائے گا۔14 اگست ہماری قومی تاریخ کا روشن باب ہے جو ہمیں قربانی، جدوجہد، اور اتحاد کا سبق دیتا ہے۔

ان خیالات کااظہار جامعہ نعیمیہ کے ناظم اعلیٰ وچیئرمین اسلامی نظریاتی کونسل علامہ ڈ اکٹر راغب حسین نعیمی نے جامعہ نعیمیہ میں علماء کرام کے وفد سے گفتگو کرتے ہوئے کیا۔ملاقات کرنے والوں میں مولانا محمدرمضان شاد،قاری محمدامیر قادری،قاری عبدالرحمان جامی،مولانا طارق محمود،مولانا محمدسلیم،حاجی محمدعمران ودیگر شامل تھے۔

(جاری ہے)

علامہ ڈ اکٹرراغب حسین نعیمی نے علماء کرام سے گفتگو کرتے ہوئے مزید کہاکہ پاکستان ہمارے بزرگوں کی عظیم قربانیوں کا نتیجہ ہے۔

ہمیں آزادی کی نعمت پر شکر ادا کرنا چاہیے اور عہد کرنا چاہیے کہ ہم وطن عزیز کی ترقی، اتحاد اور سلامتی کے لیے اپنا کردار ادا کریں گے۔ تعلیم، رواداری، اور بین المسالک ہم آہنگی کو فروغ دینا ہوگا ۔ نوجوان نسل کو قومی نظریہ، محنت، اور امانت داری کا شعور دینا ضروری ہے۔ پاکستان لاکھوں قربانیوں کا ثمر ہے ، نوجوان نسل کو چاہیے کہ وہ وطن سے وفاداری، خدمت، اور دیانتداری کو شعار بنائیں ۔ قومی وحدت، اخوت اور رواداری کا فروغ ہی اصل جشن آزادی ہے۔

Facebook Twitter Google + Share on Whatsapp

14 اگست ہماری قومی تاریخ کا روشن باب ہے ‘ڈاکٹرراغب نعیمی

متعلقہ عنوان :

مزید اہم خبریں