ہم فلسطینی بھائیوں کا ساتھ کبھی نہیں چھوڑیں گے،فلسطین کا مسئلہ ہر فورم پر اٹھائیں گے، ذوالفقار علی بھٹوجونیئر

فلسطین انسانیت کا معاملہ ہے یہ کوئی ایک مذہب ، ایک قبیلہ یا ذات کا معاملہ نہیں ،یہ پورا دنیا کا معاملہ ہے،مظاہرے سے خطاب

اتوار 3 اگست 2025 20:55

کراچی(اُردو پوائنٹ اخبارتازہ ترین - این این آئی۔ 03 اگست2025ء)سابق وزیراعظم ذوالفقار علی بھٹو کے پوتے ذوالفقار علی بھٹوجونیئر نے کہا ہے کہ ہم فلسطینی بھائیوں کا ساتھ کبھی نہیں چھوڑیں گے،فلسطین کا مسئلہ ہر فورم پر اٹھائیں گے۔وہ اتوار کو کراچی پریس کلب کے باہر خلق یوتھ فرنٹ کراچی کی جانب سے فلسطینی عوام سے اظہار یکجہتی اور ان کی آزادی کی جدوجہد کی حمایت کے لیے منعقدہ مظاہرے سے خطاب کررہے تھے۔

مظاہرے میں سماجی رہنما ڈاکٹر اصغر دشتی اور تحریک نسواں کی شیما کروانی او دِیگر نے شرکت کی۔

(جاری ہے)

ذوالفقار علی بھٹو جونیئر نے کہا کہ فلسطین انسانیت کا معاملہ ہے یہ کوئی ایک مذہب کا معاملہ نہیں ہے۔ یہ کوئی ایک قبیلہ کا معاملہ نہیں ہے ۔یہ کوئی ایک ذات کا معاملہ نہیں ہے ۔یہ پورا دنیا کا معاملہ ہے ۔فلسطین کا مقصد ہمارا ایمان کا بھی حصہ ہے۔ ہمارا مذہب کا بھی حصہ ہے ہماری دل کا بھی حصہ ہے ۔اگر ہم فلسطین کو چھوڑیں گے تو ہم اپنے دل کو بھی چھوڑیں گے۔فلسطینیوں کا ساتھ چھوڑنا خودکشی کے مترادف ہے۔انہوں نے کہا کہ فلسطینیوں کی آواز ہر فورم پر اٹھائیں گے۔شرکا نے فلسطین عوام کے ساتھ مکمل اظہار یکجہتی کا اظہار کیا۔