وزیراعظم سے گورنرگلگت بلتستان کی ملاقات،سیلابی صورتحال اور نقصانات سے متعلق بریفنگ

پیر 4 اگست 2025 17:46

گلگت(اُردو پوائنٹ اخبارتازہ ترین - این این آئی۔ 04 اگست2025ء)وزیراعظم شہباز شریف سے گورنر گلگت بلتستان سید مہدی شاہ کی ملاقات کی،جس میں حالیہ بارشوں کے نتیجے میں سیلابی صورتحال اور نقصانات سے متعلق بریفنگ دی گئی۔

(جاری ہے)

تفصیلات کے مطابق وزیراعظم شہباز شریف ایک روزہ دورے پر گلگت پہنچے ،جہاں پر گورنر گلگت بلتستان سید مہدی شاہ نے ان سے ملاقات کی۔ملاقات میں وزیراعظم شہباز شریف کو حالیہ بارشوں کے نتیجے میں سیلابی صورتحال اور نقصانات سے متعلق بریفنگ دی گئی۔گورنر گلگت بلتستان نے وزیراعظم کو جاری ترقیاتی منصوبوں پر پیشرفت اور امن و امان کی صورتحال سے آگاہ کیا۔اس کے علاوہ ملاقات میں حالیہ بارشوں اور سیلاب میں جاں بحق ہونے والوں کیلئے دعا بھی کی گئی۔