مسجد الاقصیٰ کی حیثیت بدلنے کی اسرئیلی کوششیں دنیا کا امن تباہ کرنے کی سازش ہیں ،حافظ محمد طاہر محمود اشرفی

صیہونی اقدامات اشتعال انگیز ،ناقابل برداشت ،اسرائیلی وزراء کی جانب سے مسجد الاقصیٰ کی بے حرمتی نا قابل قبول ہے ، چیئرمین پاکستان علماء کونسل

پیر 4 اگست 2025 20:30

اسلام آباد (اُردو پوائنٹ اخبارتازہ ترین - این این آئی۔ 04 اگست2025ء)چیئرمین پاکستان علماء کونسل و سیکرٹری جنرل انٹرنیشنل تعظیم حرمین شریفین کونسل حافظ محمد طاہر محمود اشرفی نے اسرائیلی وزراء اور یہودیوں کی طرف سے مسجدالاقصیٰ کی بیحرمتی کی مذمت کرتے ہوئے کہا ہے کہ اسرائیلی اقدامات اشتعال انگیز اور ناقابل قبول ہیں۔

(جاری ہے)

جاری بیان میں حافظ طاہر اشرفی نے کہا کہ اسرائیلی وزرا کی مسجد الاقصیٰ کی بے حرمتی مسلمانوں کے مذہبی جذبات بھڑکانے کی سازش ہے ، عالمی برادری اسرائیل کی ان حرکات کا نوٹس لے۔

انہوں نے کہا کہ مسجد الاقصیٰ کی حیثیت بدلنے کے اسرائیلی عزائم تباہ کن تشدد کو جنم دے سکتے ہیں، عالمی برادری اسرائیل کا فوری محاسبہ کرے۔ انہوں نے کہا کہ اسرائیلی اقدامات اقوام متحدہ اور او آئی سی قراردادوں کی کھلی خلاف ورزی ہیں، عالمی ادارے فلسطینی عوام کے حقوق کا تحفظ یقینی بنائیں۔